Qualification : MASTER OF ARTS DEGREE
Award Type and NFQ level : TAUGHT MASTERS (9)
CAO/MU Apply code : MHU50
CAO Points :
Closing Date : 30 August 2025
Eolas faoin gCúrsa
Is féidir an chéim seo a dhéanamh go lánaimseartha (bliain amháin) nó go páirtaimseartha (dhá bhliain). Trí mheán scrúduithe agus tionscnaimh taighde a dhéantar obair na mac léinn a mheas.
Bíonn deis ag mic léinn tabhairt faoi thograí sa chleachtas cruthaitheach i réimse na dtaibhealaíon, an traidisiúin bhéil, agus/nó na scríbhneoireachta cruthaithí mar chuid den chúrsa chomh maith más mian leo. Chomh maith leis seo, bíonn rogha ag an mac léinn idir tráchtas (NG699) agus togra sa taighde ealaíonta (NG637). Tá roghanna iontacha ann do mhic léinn sa chúrsa seo laistigh de na conairí éagsúla atá ar fáil dóibh:
- Cruinneas, Saibhreas, agus Cumarsáid (Na Meáin)
- Litríocht agus Critic
- Taibhealaíona agus Traidisiúin Bhéil na Gaeilge
- An MA Nua-Ghaeilge ginearálta
Riachtanais Iontrála
De ghnáth, bunchéim Onóracha le Dara hOnóracha grád 2 (II.2) ar a laghad sa Ghaeilge agus grád II.1 ar a laghad i modúil na teanga a bhíonn ag teastáil. Déanfar iarratais a mheas freisin ó iarrthóirí a bhfuil céim acu in ábhair eile ach ar féidir leo an cumas cuí sa Ghaeilge a léiriú.
Academic
Academic
Struchtúr an Chúrsa
Is é aidhm an MA againn go gcuirfidh mic léinn eolas domhain ar roinnt gnéithe de theanga, de chultúr agus de litríocht na Nua-Ghaeilge (ó 1200 AD i leith) agus go mbeidh saineolas acu ar réimse amháin díobh sin de bharr a gcuid taighde.
Tá ceithre chonair ar fáil do mhic léinn mar chuid den MA Nua-Ghaeilge:
- Cruinneas, Saibhreas, agus Cumarsáid (Na Meáin)
- Litríocht agus Critic
- Taibhealaíona agus Traidisiúin Bhéil na Gaeilge
- An MA Nua-Ghaeilge ginearálta
Seo hiad na cóid ar an gcóras PAC ar líne le cur isteach ar aon cheann de na roghanna 1-4 thuas: MHU50 Lánaimseartha NÓ MHU51 Páirtaimseartha.
Tá tuilleadh eolais faoi na sruthanna MA thuas le fáil ar shuíomh idirlín Roinn na Nua-Ghaeilge.
Iarratas ar líne amháin. Chun iarratas a dhéanamh, cliceáil anseo le do thoil.
Le cur isteach ar do staidéar iarchéime roghnaithe in Ollscoil Mhá Nuad, cinntigh le do thoil go bhfuil na cáipéisí seo a leanas agat chun iarratas a dhéanamh:
- Fianaise maidir le do bhunchéim
- Tras-scríbhinní acadúla
- Cóip de do phas
- Ráiteas pearsanta
Beidh ar mhic léinn Scrúdú Iontrála/Agallamh a dhéanamh.
Ní mór go mbeadh an Dioplóma Iarchéime san Aistriúchán agus san Eagarthóireacht curtha i gcrích ag iarratasóirí agus marc foriomlán de 65% bheith bainte amach acu.
Bíonn an clár seo ar siúl ar líne trí mheán na Gaeilge.