Ar mhaith leat an Eleathanach a fháil ar ríomhphost gach seachtain?
Cliceáil anseo https://listserv.heanet.ie/cgi-bin/wa?SUBED1=ELCH&A=1 agus cuirfear ar an liosta tú.
Maynooth University Froebel Department of Primary and Early Childhood Education
ToggleEleathanach
Is áis léitheoireachta í Eleathanach a bhíonn ar fáil gach Luan saor in aisce ó Roinn Froebel don Bhun- agus Luath- Oideachas, Ollscoil na hÉireann, Má Nuad. Cuireadh tús leis an Eleathanach in 2008. Le cabhair ón gComhairle um Oideachas Gaeltachta agus Gaelscolaíochta, ó Choláiste Alexandra, agus léachtóirí i Roinn Froebel don Bhun- agus Luath- Oideachas tá an tionscadal ag dul ó neart go neart. Is nuachtlitir leictreonach í le hailt a mhúsclaíonn spéis na ndaltaí. Tá sé dírithe ar rang a cúig agus a sé sa bhunscoil. I mí Mheán Fómhair 2009, bronnadh an Séala Eorpach Teanga ar an togra seo. Bhí an Giúiré an-tógtha le Eleathanach agus cheap siad gur ‘tionscadal fíorchruthaitheach úrnua é seo, bíodh is go bhfuil sé simplí.'
Tá ábhar ann atá suimiúil do na hardranganna toisc an bhaint atá ag an idirbhliain i gColáiste Alexandra le scríobh na n-alt. Chomh maith leis sin, coimeádtar súil ghéar ar leibhéal na teanga. Toisc gur nuachtlitir sheachtainiúil í, bíonn deis ag múinteoirí ábhar nua a chur i láthair an ranga gach seachtain. Is bealach éifeachtach é Eleathanach chun a chinntiú go mbaineann an t-ábhar léitheoireachta a roghnaítear sa seomra ranga le cúrsaí na linne agus go bhfuil téacsanna dílse á n-úsáid sa seomra ranga. Is féidir le múinteoirí an Eleathanach a fháil trí ríomhphost a sheoladh chuig [email protected] agus cuirfear ar an liosta seoltaí iad. Buntáiste a bhaineann le bheith ar an liosta seoltaí ná go dtagann an Eleathanach i bhfoirm Microsoft Word agus is féidir le múinteoirí an t-ábhar agus an teanga a chur in oiriúint do pháistí ina rang. Chomh maith leis sin bíonn Eleathanach ar fáil gach Luan anseo ar shuíomh na Roinne agus ar shuíomh COGG www.cogg.ie. Cuirtear 20 eagrán amach in aghaidh na bliana agus tá páistí na tíre ag baint taitnimh as na hailt shuimiúla!
Eleathanach na seachtaine
Eleathanach na seachtaine
497 - 28 Aibreán 2025
Cartlann
Cliceáil anseo, le do thoil: Cartlann