Eolas faoin staidéar ag leibhéal na hiarchéime
Mar chuid de staidéar na Gaeilge ag leibhéal na hiarchéime bímid ag cur leis an dúshraith a leagadh síos ag leibhéal na fochéime, sa mhéid go ndírímid ar na scileanna bunaidh teanga ach go mbíonn deiseanna ann staidéar domhain a dhéanamh ar go leor gnéithe eile de chuid Léann na Gaeilge. I measc na n-ábhar a luaitear leis na modúil teagasctha, tá na meáin chumarsáide, an chritic, Aistriúchán, Eagarthóireacht, Filíocht an 19ú haois, an Nua-Ghaeilge Mhoch agus an Phaileagrafaíocht, Modhanna Taighde. Sa Mháistreacht teagasctha tugtar deis do mhic léinn ceann amháin de 3 shruth a leanúint: ·
- Cruinneas, Saibhreas agus Cumarsáid
- Litríocht agus Critic
Tá réimse leathan saineolais ag baill Roinn na Nua-Ghaeilge ar a n-áirítear Litríocht na Gaeilge ó 1200 A.D. anall, cúrsaí Scannánaíochta, Léann an Aistriúcháin, agus Canúineolaíocht agus Teangeolaíocht. Is féidir moladh taighde le haghaidh PhD nó MLitt a phlé ach scríobh chuig an Ollamh Fionntán de Brún ([email protected]).
RÉIMSÍ TAIGHDE NA FOIRNE
An tOll. Fionntán de Brún
Litríocht na Nua-Ghaeilge, An tAthbheochanachas, An Stair Chultúrtha, Stair na nIdéanna, An Traidisiún Béil, An Scríbhneoireacht Chruthaitheach
Dr Caitlín Nic Íomhair
Filíocht Chomhaimseartha na Gaeilge, An Iar-Chríostaíocht, Biddy Jenkinson, Colm Breathnach, Ficsean Coiriúlachta, Litríocht Taistil, An Ghearrscéalaíocht, Próslitríocht na Gaeilge, An Léann Éireannach, Aistriúchán Liteartha, An Scríbhneoireacht Chruthaitheach
Dr Lára Ní Mhaoláin
Gramadach na Nua-Ghaeilge Moiche, An Phailéagrafaíocht, Eagarthóireacht Téacsanna, An Rúraíocht, an Fhiannaíocht
Dr Tracey Ní Mhaonaigh
An Fhoclóireacht, An Dírbheathaisnéis, Litríocht agus Oidhreacht Ghaeltacht Chorca Dhuibhne, Stair na Gaeilge i gColáiste Phádraig, Maigh Nuad, Léann an Aistriúcháin agus na hEagarthóireachta, Nuálaíocht Oideolaíoch
Dr Brian Ó Catháin
An Fhoghraíocht, An Chanúineolaíocht, An tSochtheangeolaíocht, Teanga agus Béaloideas Árann, Stair an Léinn Cheiltigh sa Ghearmáin, Léann na Beathaisnéise
Dr Eoghan Ó Raghallaigh
Filíocht Chlasaiceach agus Iarchlasaiceach na Gaeilge, An Chanúineolaíocht, Léann na Beathaisnéise