Déantar taighde i Roinn na Nua-Ghaeilge ar réimse leathan ábhar, idir theanga agus litríocht, ó thús na tréimhse (c.1200 AD) anuas go dtí an Ghaeilge chomhaimseartha.
Ar na príomhréimsí tá:
Scríobhaithe an Tuaiscirt 1650-1900
Bunaíodh an láithreán gréasáin nua seo ar thráchtas PhD Fintan Keegan, Scríobhaithe Gaeilge an Tuaiscirt, 1650-1900: Beathaisnéisí (Ollscoil Mhá Nuad, 2019). Le cuidiú ó Institiúid na nEalaíon agus na nDaonnachtaí agus Scoil an Léinn Cheiltigh, dearadh an suíomh seo mar chomhfhiontar idir Roinn na Nua-Ghaeilge agus Roinn na Ríomheolaíochta, faoi stiúir an Ollaimh Fionntán de Brún. Gabhtar buíochas ar leith leis an Dr Fintan Keegan, Helen Kelly, Miriam Fitzsimons, an Dr Aidan Mooney, Nathan Dunne, Niamh Connolly agus Daniel Trundle as a gcuid oibre.
Is féidir le húsáideoirí sonraí fairsinge beathaisnéise a chuardach a cheanglóidh scríobhaithe le lámhscríbhinní a grafadh sa leath thuaidh d'Éirinn idir 1650 agus 1900. Is féidir teacht ar shonraí lámhscríbhinní, chomh maith le sonraí beatha na scríobhaithe ar an suíomh seo. Lena chois sin, Is féidir brabhsáil a dhéanamh ar léarscáileanna contae agus ar chás-staidéir ina dtugtar léargas ar shaol agus ar shaothar roinnt scríobhaithe samplacha.
Cuirfear fáilte roimh aiseolas ó úsáideoirí ionas go mbeifear in ann an suíomh a leasú de réir riachtanais na n-úsáideoirí. Is féidir aiseolas a thabhairt ach scríobh chuig nua-ghaeilge@mu.ie agus 'Scríobhaithe' a chur mar theideal le do theachtaireacht.